Tërmeti i fuqishëm në Shqipëri ka prekur jo vetëm zemrat e shqiptarëve kudo që ndodhen, por edhe të popujve të tjerë, madje edhe të Serbisë, e cila ka sjellë ekipe të kërkim-shpëtimit për të ndihmuar në operacionet në Durrës e Thumanë.

Një foto, që po bën xhiro në rrjetet sociale, përcjell një mesazh jashtëzakonisht të madh, teksa një pjesëtar i grupeve të emergjencave serbe bashkëpunon me një ushtar shqiptar.

Nën dixhiturën “Dhimbja nuk njeh kufij”, qytetarët shprehin mirënjohjen me solidaritetin që forcat serbe dhe jo vetëm po tregojnë ndaj pasojave tragjike të 26 nëntorit, që la pas të paktën 40 të vdekur.

Edhe pse dy shtetas, të dy kombeve historikisht në përballje me njëri-tjetrin, fotoja e mëposhtme tregon se, jashtë politikës dhe interesave të saj, njerëzit mbeten njerëz pavarësisht pasaportës që mbajnë.