po ngarkohet...

Type to search

Prapaskenat: Meta shpërndan parlamentin dhe ja ç’ndodh pas përplasjes finale

Analiza Editoriale Kryesore Uncategorized

Prapaskenat: Meta shpërndan parlamentin dhe ja ç’ndodh pas përplasjes finale

Ndaje me miqtë

 Ilir Meta, pritet që ta shpërndajë parlamentin me një dekret të tij dhe mësohet se dokumenti është përgatitur hollësisht nga ana formale dhe pret vetëm firmën në momentin e duhur. Burime të besueshme bëjnë të ditur se dekreti pritet të firmoset pikërisht ditën kur mazhoranca do të prekte kushtetutën në vend për të prekur kompetencat e kreut të shtetit. Siç mësohet, dekreti e konsideron shpërndarjen e parlamentit si një vendim të pashmangshëm si pasojë e një veprimi ekstrem të kuvendit që presidenca e cilëson ilegjitim edhe për shkak të mungesës së opozitës në te, pasi pjesën e deputetëve të opozitës së re e cilëson të paligjshëm. Sipas të gjitha gjasave parlamenti nuk do të njohë dekretin e presidentit dhe nuk do të shpërndahet, ndërkaq ka mundësi që të avancojë në kërkesën për shkarkimin e presidentit. Nëse ndodh kjo asnjëra palë nuk mund të zbatojë vendimin përkatës. Parlamenti nuk mund të shkarkojë Metën pa Gjykatën Kushtetutese dhe Presidentit mund të mos i zbatohet dekreti për shpërndarjen e kuvendit. Megjithatë, kjo përplasje finale pritet të cojë në një ulje të palëve, përkatësisht Ilir Metës dhe Gramoz Ruçit, për të zgjidhur ngërçin dhe sipas gjasave edhe me ndërmjetësinë e ndërkombëtarëve. Ku parlamenti tërhiqet nga shkarkimi dhe Meta nga shpërndarja, me kusht që të ketë një zgjidhje politike në vend. Kjo të paktën është formula që po flitet lëto ditë në sallonet e mëdha të politikës.

/ProNews.al/