po ngarkohet...

Type to search

Plas debati, gazetarja serbe bën shqiponjën dhe del në mbrojtje të shqiptarëve

Sociale

Plas debati, gazetarja serbe bën shqiponjën dhe del në mbrojtje të shqiptarëve

Ndaje me miqtë

Pak ditë më parë, dhjetëra serbe bënë thirrje raciste ndaj shqiptarëve. Për t’u solidarizuar me shqiptarët, ish-korrespondentja dhe redaktorja e RTS-së, Vera Rankoviç ka publikuar një fotografi duke e bërë shqiponjën, simbolin shqiptar.

Foton Rankoviç e ka publikuar në profilin e “Facedbook” e krahas saj shkruan se kjo është përgjigja e saj ndaj fashistëve nga Borça.

“Kjo është përgjigja ime fashistëve nga Borça. Ftoj të gjithë ata të cilët janë neveritur nga ajo që i ka ndodhur bashkëqytetarit tonë që këtë ta shprehni në këtë mënyrë”, shrkuan Vera bashkëngjitur me foton.

Rankoviç ka shpjeguar se ky është një veprim në shenjë përkrahje për furrtarët shqiptarë në Serbi ku për shkak se një punëtor bëri shqiponjën, u detyrua të largohet nga Beogradi pas protestave.

Kjo fotografi nuk është pritur aspak mirë nga serbët, të cilët në komentet e tyre nuk e kanë përkrahur bërjen e simbolit shqiptar.

“Po të ishit të shkolluar, do ta njihni atë që është fashist… dhe çfarë është nazizmi. Dhe ndoshta do ta dinit se çfarë po bëni, ju keni pak mendje në kokën tuaj”, i shkruan një komentues.

Por ka patur edhe nga ata që kanë vlerësuar gjestin e saj dhe i shkruajnë: “Bravoooo Vera”.